Татарстанда “Агач ташучы” операциясе кысаларында бер атна эчендә 30дан артык машина тикшерелде

14 апрель 2018 ел., шимбә

Дәүләт урман инспекторлары, ТР буенча ЮХИДИ хезмәткәрләре белән берлектә, агач материалы ташуга тиешле документларны тикшерү буенча рейдлар уздырды.

Татарстан Республикасы буенча бер атна эчендә агач материалы ташучы 30дан артык машина тикшерелде. Гамәлдәге урман законнары бозылуның 3 очрагы ачыкланды. Әлеге хилафлыкларга юл куйган затларга карата административ хокук бозулар турында беркетмәләр төзелде, транспорт чаралары махсус тукталышларга урнаштырылды.

Татарстан Республикасы Урман хуҗалыгы министрлыгы искәртә: агач материалын урман законнарында билгеләнгән тәртиптә рәсмиләштерелгән документтан башка транспорт белән ташу – вазыйфаи затларга, хокук бозу коралы булып торучы агач материалын яки транспорт чараларын конфискацияләп, утыз мең сумнан башлап илле мең сумга кадәр административ штраф салынуга китерә. Юридик затлар өчен штраф күләме биш йөз мең сумнан җиде йөз мең сумгача тәшкил итәргә мөмкин.

ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования