Татарстан урманчылары делегациясе Германиядә Дрезден Техник университеты галим-урманчылары белән очрашты
Татарстан Республикасы Урман хуҗалыгы министрлыгының Германиягә булган эшлекле визиты кысаларында алман галимнәре-урманчылары белән Татарстан Республикасында түбән товарлыклы усак агачларының санлы һәм сыйфатлы параметрларыннан технологик файдалану буенча фәнни хезмәттәшлек итү мәсьәләләренә багышланган киңәшмә узды. Татарстан Республикасы урман хуҗалыгы министры җитәкчелегендәге эш төркеме хезмәттәшлек итү буенча әһәмиятле юнәлешләрне билгеләде. Мюнхендагы эшлекле киңәшмәдә шулай ук Урман хуҗалыгы министрлыгының эшләр белән идарә итүчесе Илгизәр Зарипов һәм "Көнчыгыш-Европа урман сынау станциясе" ФБУ филиалы директоры Айнур Пуряев та катнашты.
Сөйләшүләрдә Дрезден ш. Техник университеты профессоры Альбрехт Бемман һәм Вайнштефандагы (Германия) урман институты профессоры һәм вице-президенты Вольф Дитер Роммель, "Бавариянең урман сәнәгате кластеры" генераль директоры Юрген Бауэр, Фрайзинг шәһәре (Германия) урманнары милекчеләре берлегенең (Германия) беренче рәисе Сепп Денк һәм Дрезден ш. Техник университеты докторы Анна Моосман катнашты.
Татарстан урманчылары делегациясе Германиядә өч көн булды. Республика вәкилләре Вайнштефандагы урман институты кампусында булдылар, шулай ук Фрайзинг шәһәре урманнары милекчеләре берлегенең шәхси урманын карадылар, шулай ук Мюнхенда урман хуҗалыгы һәм техника буенча халыкара INTERFORST-2018 күргәзмәсе белән таныштылар.