14-15 февраль көннәрендә Татарстанның "Бөгелмә урманчылыгы" ДКУ учреждение һәм кишәрлек урманчылыклары белгечләре өчен белем бирүче семинар узды. Аның кысаларында урманнарны яклау һәм торгызу, урман законнары һәм хезмәтне саклау мәсьәләләре каралды.
ТР "Бөгелмә урманчылыгы" ДКУ җитәкче-урманчысы урынбасары Артем Улаев, урманнарны саклау һәм яклау инженеры Ольга Волкова, хезмәт сагы һәм куркынычсызлык техникасы инженеры Радик Уразгильдин лекцияләр белән чыгыш ясады.
Семинарда шулай ук 2019 елда урман хуҗалыгы эшләрен уздыру планы турында да сүз булды.