22 февральдә Лубянда "Урман чаңгы юлы-2019" кышкы спартакиадасы узачак

2019 елның 22 февралендә Кукмара муниципаль районы Лубян авылында "Лубян урман-техника көллияте" ДБҺББУ базасында Татарстан Республикасының урман хуҗалыгында эшләүчеләр арасында "Урман чаңгы юлы-2019" кышкы спартакиадасы узачак. Чараны оештыручылар булып ТР Урман хуҗалыгы министрлыгы һәм "Лубян урман-техника көллияте" ДБҺББУ тора.

Ярышларда Министрлык һәм аның ведомство буйсынуындагы учреждениеләр, "Рослесинфорг" ФДБУ Казан филиалы, "Рослесозащита" ФБУ филиалы – "Татарстан Республикасы Урман яклау үзәге", "Урман транспорт компаниясе" АҖ, КДАУ урман хуҗалыгы һәм экология факультеты командалары һ.б. катнашачак. Чара 200дән артык кешене туплар, дип көтелә.

Иң яхшы чаңгычыларны 6 яшь категориясе буенча билгеләячәкләр: "16 яшьтән 25 яшькәчә студент һәм укучы ир балалар", "16 яшьтән 25 яшькәчә студент һәм укучы кыз балалар", "18 яшьтән 35 яшькәчә егетләр", "18 яшьтән 35 яшькәчә кызлар", "35 яшьтән 65 яшькәчә ир-атлар" һәм "35 яшьтән 55 яшькәчә хатын-кызлар". Ирләргә, шулай итеп, 2,5 км араны, ә хатын-кызларга 1,5 км араны узарга туры киләчәк.

Чара кысаларында бай мәдәни-күңел ачу программасы, спорт ярышлары һ.б. планлаштырыла.