Татарстан Республикасы дәүләт урман инспекторлары санитар-экологик икеайлык кысаларында торак пунктлары тирәли һәм федераль һәм төбәк әһәмиятендәге юллар янәшәсендә 100 артык рейд үткәрде. Рейдлар барышында каты коммуналь калдыкларны санкцияләнмәгән рәвештә урнаштыруның 13 факты ачыкланды, ТР "Чирмешән урманчылыгы" ДКУ хезмәткәрләре тарафыннан урманнарда санитар куркынычсызлык кагыйдәләрен бозган өчен Административ хокук бозулар турында РФ кодексының 8.31 ст. буенча административ хокук бозу турында эш кузгатылды. Барлыгы 30 кбм артык чүп-чар җыелды һәм чыгарылды.
Санкцияләнмәгән чүплекләрне ачыклау һәм бетерү белән берлектә республикада мәгълүмат такталарын яңарту, урманнардагы ял урыннарын төзәтү һәм җиһазлау эше дә алып барыла.