"Яшел патруль" мәктәп урманчылыгында тәрбияләнүче кыз бала "Татарстан Республикасының яшь натуралистлары" конкурсы номинациясендә 1 нче урын алган

2020 елның 22 гыйнвары, чәршәмбе

Ютазы урта мәктәбенең "Яшел патруль" мәктәп урманчылыгында тәрбияләнүче Азалина Лукашина "Хикәяләр конкурсы"-"Табигатьтәге кызыклы очрак" номинациясендә "Татарстан Республикасының яшь натуралистлары" республика конкурсында 1 нче урын яулаган.

Әлеге конкурсны, ТР Яшьләр эшләре һәм спорт министрлыгы ярдәме белән, "Чиста булачак" яшьләр иҗтимагый оешмасы оештырган. Конкурска республиканың гомуми белем бирү учреждениеләре укучыларыннан 447 эш – рәсем, фотографияләр, хикәяләр һәм кул эшләнмәләре тапшырылган.