Татарстан Республикасы Урман хуҗалыгы министрлыгы

Яңалыклар

2017
  • 2017
  • 2016
  • 2015
  • 2014
  • 2013
  • 2012
  • 2011
  • 2010
  • 2009
  • 2008
  • 2007
  • 2006
  • 2005
  • 2004
  • 2003
  • 1998
сентябрь
  • гыйнвар
  • февраль
  • март
  • апрель
  • май
  • июнь
  • июль
  • август
  • сентябрь
22 сентябрь 2017 ел., җомга
  • 07.09.2017

    “Ары урманчылыгы” ДКУ һәм “Урма урманчылыгы” ДКУ күчмә киңәшмәсе

    “Ары урманчылыгы” ДКУ һәм “Арча урманчылыгы” ДКУ урман-орлык объектлары базасында тиешле объектларны саклау һәм асрау мәсьәләсенә кагылышлы киңәшмә уздырылды. Идел буе дәүләт технология университеты, Көнчыгыш-Европа урман сынау станциясы, Татарстан Республикасы Урманны яклау үзәге белгечләре, Татарстан Республикасы Урман хуҗалыгы министрлыгы вәкилләре белән берлектә, шушы урманчылыкларның чикләрендә наратның һәм чыршының урман-орлыкчылык объектларына инвентарьлаштыру үткәрде. Киңәшмә нәтиҗәләре буенча 2018 ел дәвамында тиешле эшләрне үткәрү турында карар кабул ителде.
  • 06.09.2017

    2017 елның 7 сентябреннән 9ына кадәр Петрозаводск шәһәрендә урман аударучылар арасында “Урман кисүче-2017” 5 нче Россия чемпионаты узачак

    Чемпионатның оештыручылары – Карелия Республикасы Хөкүмәте, Россия Федерациясе Сәнәгать һәм сәүдә министрлыгы, Россия Урман сәнәгатьчеләре һәм урман экспортерлары берлеге, Федераль урман хуҗалыгы агентлыгы. Үткәрелгән төбәк ярышлары нәтиҗәләре буенча Татарстан Республикасы командасы составына “Саба укыту-тәҗрибә урман хуҗалыгы” ДБУ учреждениесенең урман машинасы операторлары һәм “Нурлат урман хуҗалыгы” ДБУ учреждениесенең урман аударучылары керде: Иванов Валерий Николаевич – “Саба укыту-тәҗрибә урман хуҗалыгы” ДБУ учреждениесенең харвестер операторы; Кондратьев Валерий Михайлович – “Саба укыту-тәҗрибә урман хуҗалыгы” ДБУ учреждениесенең форвардер операторы; Маринин Станислав Викторович – “Нурлат урман хуҗалыгы” ДБУ урман аударучысы; Гришаков Николай Лаврентьевич – “Нурлат урман хуҗалыгы” ДБУ урман аударучысы; Алексеев Олег Николаевич – “Нурлат урман хуҗалыгы” ДБУ урман аударучысы; Һадиев Фидаил Наил улы – “Нурлат урман хуҗалыгы” ДБУ урман аударучысы (юниор). Россия ярышлары урман аударучылар арасында IALC (International Association Logging Championships) Халыкара чемпионатлар ассоциациясе таләпләренә җитди туры китереп үткәрелә. Катнашучылар түбәндәге дисциплиналар буенча көч сынашачак: агач аудару, чылбыр алмаштыру, катнаш кисем белән кискәләү, төгәл кисү, ботаклар кисү һәм эстафета. Бүгенге көндә илнең 26 төбәгеннән һәм Беларусьтан 133 кеше конкурста катнашу теләген белдергән. Петрозаводск үзәгендә, шул исәптән, 67 урман аударучы һәм 20 харвестер һәм форвардер операторы җыелачак: Киров мәйданында стенд күнегүләре һәм форвардер операторларының ярышлары узачак, ә “Спартак” стадионы мәйданында конкурста катнашучылар агач аудару белән шөгыльләнәчәк һәм харвестер белән идаршү итү осталыгын күрсәтәчәк. Мондый һөнәри чараларны үткәрүнең максаты булып эшче һөнәрләрнең абруен арттыру, профессиональ белемнәрне һәм эш методларын камилләштерү, шулай ук кадрларның квалификациясен арттыруга ярдәм итү тора.
  • 06.09.2017

    Республиканың “Иң яхшы урманчылык-2017” смотр-конкурсына йомгак ясалды

    Татарстан Республикасында иң яхшы урманчылыкка смотр-конкурс халык арасында урманның экологик әһәмияте, аны саклау һәм үрчетү, урманның файдалы үзлекләрен саклау һәм көчәйтү буенча чаралар үтәлеше дәрәҗәсен арттыру, урманнардан күпмаксатлы, өзлексез һәм аларны ярлыландырмыйча файдалану, аларны яңадан җитештерү, продуктлылыгын арттыру, экосистемаларның биологик күптөрлелеген саклау әһәмияте хакында пропангандалау максатларында үткәрелде. Конкурсларда урман хуҗалыгын алып бару дәрәҗәсе, урман кишәрлекләренең төзекләндерелеше, аларда кече архитектура рәвешләренең һәм янгынга каршы чараларны пропагандалау чараларының булуы, урманнарда янгыннарны кисәтү һәм профилактикалау буенча аңлату эшләрен алып бару һәм башкалар исәпкә алынды. 2017 елгы эш йомгаклары буенча конкурс комиссиясе түбәндәгеләрне җиңүчеләр итеп таныды: “Саба урманчылыгы” ДКУ – 1 урын “Шәһәр яны урманчылыгы” ДКУ – 2 урын “Арча урманчылыгы” ДКУ – 3 урын Комиссия шулай ук конкурста актив катнашучыларны да билгеләп үтте: “Әгерҗе урманчылыгы”, “Аксубай урманчылыгы”, “Баулы урманчылыгы”, “Биләр урманчылыгы”, “Бөгелмә урманчылыгы”, “Алабуга урманчылыгы”, “Яшел Үзән урманчылыгы”, “Кама урманчылыгы”, “Кызыл Йолдыз урманчылыгы”, “Лаеш урманчылыгы”, “Мамадыш урманчылыгы”, “Түбән Каиа урманчылыгы”, “Нурлат урманчылыгы”, “Идел буе урманчылыгы”, “Тәтеш урманчылыгы” һәм “Лубян урманчылыгы”.
  • 05.09.2017

    Нәтиҗәле хезмәттәшлек өчен рәхмәт

    “Азнакай ш. № 4 лицее” МБМУ учреждениесендә “Чатыр-Тау” дәүләт табигать заказнигы белгечләре тарафыннан экологиягә юнәлдерелгән чара үткәрелде, аның барышында балаларга Татарстан Республикасы Азнакай муниципаль районы территориясендәге махсус сакланучы табигать территорияләре турында, заказник эшчәнлегендәге максатлар һәм бурычлар турында, шулай ук хайваннарның һәм үсемлекләр дөньясының биологик күптөрлелеге, Татарстан Республикасы Кызыл китабының әһәмияте турында сөйләделәр. Шунысын билгеләп үтәргә кирәк, лицей мөгаллимнәре заказник хезмәткәрләре белән тыгыз элемтәдә тора. Бу исә аларга экология акцияләрен бергәләшеп оештырырга, уку елы дәвамында урман дәресләрен үткәрергә булыша. Укучыларга экологик белем бирү буенча күп еллык нәтиҗәле эшчәнлек өчен лицей укытучыларына Татарстан Республикасы Урман хуҗалыгы министрлыгының рәхмәт хатлары тапшырылды.
  • 04.09.2017

    Урман хуҗалыгының булачак белгечләре өчен яңа уку елы башланды

    Татарстан Республикасының Урман хуҗалыгы министрлыгы мәктәп укучыларының һөнәри юнәлеше буенча максатчан һәм даими эш алып барылуны оештыра. Бу эшчәнлектә төп юнәлеш булып мәктәп урманчылыклары тора, биредә балалар табигатьне яратырга һәм сакларга өйрәнә, хезмәт күнекмәләре һәм белемнәр ала. Урман турында кайгыртырга теләп, урманчы һөнәренә буйсынырга теләүчеләр саны даими рәвештә артып тора. Хәзерге вакытта республика территориясендә меңнән артык бала мәктәп урманчылыкларында шөгыльләнә. Алар өчен чираттагы уку елы башланып китте, алда планетабызның яшел байлыгы турында яңа белемнәр, урман утырту акцияләрендә катнашулар, мәктәп яны кишәрлекләрендәге яшел үсентеләрне тәрбияләп карау эшләре көтә. Мәктәп урманчылыгы эшен нәтиҗәле итеп оештыру киләчәктә укучыларга һөнәр сайлауда булыша. Мисал өчен, балалар урман хуҗалыгы буенча белемнәр туплау максатында Казан дәүләт авыл хуҗалыгы университетына һәм Лубян урман-техника көллиятенә укырга керә. Быел авыл хуҗалыгы университетында “Урман хуҗалыгы һәм экология” факультетына беренче курска 98 студент укырга керде. Аларның 19ы – максатчан белем алу буенча. Шунысын билгеләп үтәргә кирәк, бу факультеттагы юнәлешләр арасында студентлар өчен “Урман эше”нә өйрәнү зур популярлык казанган (41 укучы). Уку елы башланып китүгә карамастан, Лубян урман-техника көллияте укучылар туплавын дәвам итә һәм урман хуҗалыгына өйрәнү теләге булганнарны чакыра. Уку йортында буш бюджет урыннары бар. Укучыларны туплау ноябрь азагына кадәр дәвам итәчәк.
  • 31.08.2017

    ТР урман хуҗалыгы министры А.Ә. Нәзировның Белем көне белән котлавы

    Татарстан Республикасы урман хуҗалыгы министры А.Ә. Нәзиров 1 сентябрь уңаеннан барлык укытучыларны һәм укучыларны, асылда Лубян урман-техника көллияте студентларын тәбрик итә: Белем көне һәм уку елы башлану белән сезне чын йөрәктән тәбрик итәм! 1 сентябрь – укыган, укый торган һәм укыячак һәркем өчен кадерле бәйрәм. Мөгаллимнәр өчен – бу эшнең яңа этабы, балалар өчен – яңа белемнәрнең һәм күнекмәләрнең башлангычы, дуслар белән аралашу, уңышлар һәм ачышлар чоры. Шушы ямьле бәйрәм көнендә укытучыларга һәм ата-аналарга уңышлар, сабырлык һәм зирәклелек телим. Ә укучыларның барысына да – ныклык, бик яхшы билгеләр, иҗади уңышлар һәм киләчәк уку елында ямьле студент тормышы телим! Барыгызга да ныклы сәламәтлек, укуыгызда һәм хезмәтегездә уңышлар, бетмәс-төкәнмәс энергия, оптимизм, тынычлык, мәрхәмәтлелек һәм иминлек насыйп булсын! Бәйрәм белән, Белем көне белән! Татарстан Республикасы урман хуҗалыгы министры А.Ә. Нәзиров
  • 29.08.2017

    Кече һәм урта эшкуарлык вәкилләре игътибарына!!!

    Татарстан Республикасы Урман хуҗалыгы министрлыгы 2017 елның 14 сентябрендә Бөгелмә, Кама һәм Тәтеш урманчылыкларының урман фонды территорияләрендә урнашкан кече һәм урта эшкуарлык субъектларына урман утыртмалары сату-алу шартнамәсе төзүгә хокук сату буенча аукцион үткәреләчәге турында хәбәр итә. Аукционда катнашу өчен заявкалар 4 сентябрьдән 8енә кадәр дәвам итә. Аукцион буенча тулырак мәгълүматларны 221-37-42 телефоны аша алырга мөмкин.
  • 28.08.2017

    Экологик викторина

    “Балтач” ДТКЗ инспекторлары, Балтач районы ветеринария хезмәте хезмәткәрләре белән берлектә, балалар белән махсус сакланучы территорияләргә багышланган экологик викторина үткәрде. Балаларга Балтач заказнигындагы проблемалар һәм аның тормышы, райондагы табигать һәйкәлләре турында сөйләделәр. Актив катнашучыларга һәм җиңүчеләргә дипломнар һәм истәлекле призлар тапшырылды.
  • 25.08.2017

    “Нурлат урманчылыгы” ДКУ урман фондында урнашкан “Заречный” лагерында ЭКОдәрес

    Чулпан кишәрлеге урманчылыгының урманны саклау һәм яклау инженеры Н.В. Митаков һәм урманчы Н.М. Фәсхетдинов тарафыннан “Нурлат урманчылыгы” ДКУ урман фондында урнашкан балалар өчен “Заречный” савыктыру лагерында Урман Дәресе үткәрелде. Чарада 25 бала катнашты. Дәреснең темасы: табигатькә сакчыл караш тәрбияләү, урманнарда янгын һәм санитария куркынычсызлыгы кагыйдәләрен үтәү.
  • 24.08.2017

    Татарстан урманчылары белән турыдан-туры эфир

    2017 елның 23 августында Татарстан телеканалларының турыдан-туры эфирларында урманнарда үз-үзеңне тоту кагыйдәләре, янгыннарны профилактикалау һәм кисәтү буенча үткәрелә торган эшләр турында сүз барды. “Актуаль сөйләшү” һәм “Тема” программаларында дәүләт контроле һәм күзәтчелеге бүлеге башлыгы Н.М. Таҗмиев һәм “Урман-янгын үзәге” ДБУ җитәкчесе А.Ф. Әхмәров катнашты. Исегезгә төшерик, Татарстан Республикасы территориясендәге урманнарда югары класска караучы янгын чыгу куркынычы билгеләнүгә бәйле рәвештә, Татарстан Республикасы Министрлар Кабинеты 2017 елның 19 августында “Гражданнарның урманнарда йөрүен һәм аларга транспорт чаралары керүне чикләү турында” 2074-р номерлы боерык чыгарды.

Битләр: ( 1 ) 2 3 4 5 6 7 8 9 10 >>

Copyright © 2003-2017
Хата таптыгызмы? Сүзне яки җөмләне билгеләгез һәм CTRL+ENTER басыгыз
Яндекс цитирования