Зеленодольск муниципаль районының 10 нчы «Йолдызлык» гимназиясе территориясендә «Хәтер бакчасы» халыкара акциясе кысаларында агачлар утыртылган. Чарада «Рослесозащита» ФБУ филиалы – Татарстан Республикасы Урманнарны яклау үзәге хезмәткәрләре һәм мәгариф учреждениесе педагоглары да катнашкан. Алар көче белән барлыгы 20 вак яфраклы юкә үсентесе утыртылган.
Барлыкка килгән санитар-эпидемиологик вәзгыятьне исәпкә алып, COVID-19 коронавирус йогышын профилактикалау һәм аңа каршы тору буенча башка чаралар күрелгән – катнашучылар яклау чараларында булган, бер-берсеннән тиешле ераклык саклап, ике-өч кешедән дә артмаган төркемнәрдә агач утыртканнар.
«Хәтер бакчасы» халыкара акциясе 18 нче март көнне башланып китте һәм 22 нче июньгә кадәр дәвам итәчәк. Аны оештыручылар – РФ Табигать ресурслары һәм экология министрлыгы һәм Федераль урман хуҗалыгы агентлыгы ярдәме белән «Җиңү волонтерлары» Бөтенроссия иҗтимагый хәрәкәте һәм Җиңү полководецларын искә алу фонды. Акциянең максаты – Бөек Ватан сугышы елларында һәлак булган 27 кеше истәлегенә 27 млн. агач утырту.