ЯҢАЛЫКЛАР

“Татарстанның чиста урманнары” табигатьне саклау акциясе кысаларында Аксубай, Чабаксар һәм Ибрай кишәрлеге урманчылыклары коллективлары урманны чүптән чистартты. Урманчылар 4 кубометрдан артык көнкүреш калдыгын җыеп алдылар, шуның белән берлектә әйләнә-тирә мохит торышын яхшыртуга үзләреннән өлеш керттеләр. “Татарстанның чиста урманнары” акциясе дәвам итә. Табигатьне саклау акциясендә теләге булган, туган төбәгенең проблемаларына карата битараф калмаган һәркем катнаша ала. Урман сагы хезмәткәрләре һәркемне экология акциясенә кушылырга, урманнарны чистартуда һәм ямьләндерүдә булышырга чакыра.