Татарстанда 2,3 мең гектардан артык мәйданда урманнарда санитар-савыктыру чаралары үткәрелгән

10 сентябрь 2019 ел., сишәмбе

Татарстан Республикасында урман утыртмаларының санитар торышын яхшырту эшләре дәвам итә. ТР Урман хуҗалыгы министрлыгы белгечләре мәгълүматларына караганда, агымдагы елның 10 сентябренә 2,3 мең гектардан артык мәйданда санитар-савыктыру чаралары үткәрелгән. Республиканың Саба өйрәнү-сынау, Чирмешән һәм Мамадыш урман хуҗалыклары хезмәткәрләре югары темплар белән эшли.

Быел Татарстанда 6,4 мең гектардан артык мәйданда санитар-савыктыру чаралары башкарылачак, шул исәптән 3,1 мең га мәйданда ликвид булмаган агачлар җыештырылачак.

Исегезгә төшерәбез, санитар-савыктыру чаралары урманны саклау чаралары комплексының бер өлеше булып тора. Алар үсентеләрнең биологик тотрыклылыгын саклау, урманда патологик процессларның киң үсешен кисәтү, корткычлардан һәм авырулардан зыяннарны киметү максатларында үткәрелә.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования