Равил Кузюров "Рослесинфорг" ФДБУ Казан филиалы эше белән танышты
Бүген Татарстан Республикасы урман хуҗалыгы министры Равил Кузюров "Рослесинфорг" ФДБУ Казан филиалы эше белән танышты. Министр кабинетларны, гаражны, хезмәткәрләр тулай торагын карады һәм учреждение коллективы белән аралашты. Карау барышында филиал директоры Айрат Йосыпов аңлатмалар биреп барды.
Асылда, Айрат Йосыпов сөйләгәнчә, хәзерге вакытта "Рослесинфорг" ФДБУ Казан филиалында 60 кеше эшли. 2019 елга планлаштырылган бурычлар арасында - ТР "Саба урманчылыгы" ДКУ урманнарны тәртипкә китерү эшләрен дәвам иттерү.
Белешмә өчен. "Рослесинфорг" ФДБУ – дәүләт мәнфәгатьләрендә һәм Россиянең урман ресурсларыннан максималь дәрәҗәдә нәтиҗәле һәм баланслы файдалануны оештыру өчен урман комплексы предприятиеләренә хезмәтләрнең тулы циклын күрсәтү максатларында урманнарны исәпкә алу һәм урманнарны тәртипкә китерү мәсьәләләрен комплекслы хәл итүгә махсуслашкан оешма. Ул Мәскәү шәһәрендә үзәк аппараты булган вертикаль интеграцияләнгән структура һәм аның илнең барча территориясе буйлап эшчәнлек башкаручы 37 филиалы бар.
"Рослесинфорг" ФДБУ эшчәнлегендәге төп юнәлешләр – урманнарның дәүләт интеграциясе, урман корылышы, урманнарны планлаштыру һәм проектлау, җир корылышы, кадастр, топограф-геодезия эшләре һ.б.