Аксубай кишәрлеге урманчылыгы базасында чаңгы узышы буенча ярышлар булды
ТР "Аксубай урманчылыгы" ДКУ Аксубай кишәрлеге урманчылыгы базасында чаңгы узышы буенча ярышлар булды.
"Урман хуҗалыгы белгечләре алдында эшчәнлекнең төрле юнәлешләре буенча зур бурычлар тора, – дип билгеләде үзенең сәламләү чыгышында ТР "Аксубай урманчылыгы" ДКУ җитәкче-урманчысы Андрей Ильмухин. – Әлеге очрашу безнең эшкә импульс бирер, коллективны уртак нәтиҗәләр казануда берләштерер һәм ымсындырыр".
Җепшек кар булуына карамастан, ярышларда катнашучыларның барысы да трасса узуда сынатмады. Ир-атлар арасында беренче урынны "Аксубай урман хуҗалыгы" ДКУ директоры Сергей Кузнецов, хатын-кызлар арасында ТР "Аксубай урманчылыгы" ДКУ урманнан файдалану инженеры Диана Зубарева яулады.
Стенд атулары буенча ярышларда беренче урынны шулай ук Сергей Кузнецов алды. Икенче урында механик Рөстәм Зыятдинов, өченчедә – Андрей Ильмухин.