Республиканың урман тармагы белгечләре балаларны савыктыру лагерьларында тәрбияләнүчеләр өчен дәресләр үткәрә

2019 елның 17 июле, чәршәмбе

Бүген "Чирмешән урманчылыгы" ДКУ җитәкче-урманчысы урынбасары Әлфинур Җиһаншина Чирмешән муниципаль районының Чирмешән авылында "Солнечный" балаларны савыктыру лагерында булды. Анда ул лагерьда тәрбияләнүче балалар белән очрашты һәм "Урман – безнең уртак йортыбыз" дигән темага дәрес үткәрде.

Дәрес барышында Әлфинур Җиһаншина экология, әйләнә-тирә мохитне саклауның әһәмияте турында җентекләп сөйләде. Шуның белән бергә ул укучыларны Татарстан Республикасының урман хуҗалыгы һәм урман ресурсларын саклау һәм арттыру буенча башкарыла торган эшләр белән таныштырды.