10 августта Лубян урман-техника көллиятендә чыгарылыш сыйныф укучылары очрашачак

2019 елның 29 июле, дүшәмбе

2019 елның 10 августында "Лубян урман-техника көллияте" ДБҺБУ чыгарылыш сыйныф укучыларының ел саен традициягә әйләнгән очрашуы булачак. Чара кысаларында көллиятнең 98 еллыгына багышланган тантаналы чара һәм районның иҗат коллективлары катнашында мәдәни-күңел ачу программасы оештырылачак. Шулай ук чыгарылыш сыйныф укучылары уку аудиторияләрен, китапханәне, музейны һәм көллиятнең башка бүлмәләрен дә күрә алачак.

Теркәлү 09:00 сәгатьтә башлана.