Лубян урман-техника көллияте студенты Студентлар үзидарәсе лидерлары өчен республика белем бирү программасында катнашты
18-20 ноябрь көннәрендә "Идел" яшьләр үзәгендә "Профессионаллар лигасы" һөнәри белем бирү оешмалары студентлары үзидарәсе лидерлары өчен республика белем бирү программасы узды. Анда бөтен республикадан 78 һөнәри белем бирү оешмасыннан 93 укучы, шул исәптән Лубян урман-техника көллияте студенты Татьяна Антропова да катнашты.
Студентлар мөһим бурычларны хәл итү – белем бирү оешмаларында студент советларын үстерү буенча бердәм концепция булдыру өстендә эшләде, алар Татарстан Республикасы студентлар үзидарәсен үстерү стратегиясенә юнәлтеләчәк.
Катнашучылар өчен мастер-класслар һәм тренинглар оештырылды, алар лидерлыкны үстерүгә һәм һөнәри сыйфатларны формалаштыруга юнәлдерелгән иде. Шулай ук белем бирү сменасы кысаларында Татарстанның иҗтимагый һәм мәдәни эшлекле затлары белән очрашулар үткәрелде.