Шәһәр яны урманчылыгы хезмәткәрләре урманнарда янгын чыгу хәтәре янаган чорга әзерләнә
"Шәһәр яны урманчылыгы" ДКУ хезмәткәрләре 2020 елда урманнарда янгын чыгу хәтәре янаган чорга әзерләнә. Агымдагы елның 25 нче февралендә урманнарны саклау һәм яклау инженеры Рөстәм Дәүләтшин "Янгыннан коткаручыларның ТР буенча 7 нче федераль отряды" ФДКУ 126 нчы янгын-коткару бүлеге башлыгы Владимир Волков белән очрашты.
Очрашу барышында ведомствоара хезмәттәшлек, урман фонды территориясендә янгын чыккан очракта гамәл кылу тәртибе, янгын сүндерү-коткару частенең көчләрен һәм чараларын җәлеп итүгә кагылышлы һ.б. мәсьәләләр каралды.
"Шәһәр яны урманчылыгы зонасында 9 янгын-коткару часте урнашкан, алар Янгынга каршы федераль хезмәтнең Татарстан Республикасы буенча 7 нче отрядына карый, – дип шәрехләде җитәкче-урманчы Илнур Кәшафиев. – Бүгенге көндә без аларның 7сенең җитәкчеләре белән очраштык".