Министрлыкта «Салым түләүченең шәхси кабинетында эшләү» темасына семинар-киңәшмә узды
Бүген Министрлыкта «Салым түләүченең шәхси кабинетында эшләү» темасына семинар-киңәшмә узды. Аны Федераль салым хезмәтенең Татарстан Республикасында 5нче районара инспекциясенең салым түләүчеләр белән эшләү бүлеге башлыгы Мөнир Шәйдуллин үткәрде.
«Физик затлар өчен салым түләүченең шәхси кабинеты» интернет-сервисы салым түләүчеләргә милек объектлары һәм транспорт чаралары, исәпләнгән һәм түләнгән салым түләүләре, артык түләүләр, бюджет алдындагы салымнар буенча бурычлар, бюджет белән исәп-хисапларның торышын контрольдә тоту, салым органнарына шәхси визасыз мөрәҗәгать итү мөмкинлеген бирә, – дип сөйләде Мөнир Шәйдуллин. – Шулай ук «Юридик затның шәхси кабинеты» интернет-сервисы да бар, ул юридик затлар – Россия оешмалары өчен билгеләнгән».
Семинар-киңәшмә кысаларында ул әлеге интернет-сервисларда эшләү аспектлары, декларацияләр тапшыру һәм дәүләт граждан хезмәткәрләренең, аларның иренең (хатынының) һәм балигъ булмаган балаларының керемнәре, чыгымнары, мөлкәтләре һәм мөлкәти характердагы йөкләмәләре турында мәгълүмат тапшыру үзенчәлекләре турында җентекләп сөйләде.
Чара ахырында Мөнир Шәйдуллин Министрлык хезмәткәрләренең күпсанлы, аерым алганда, транспорт, милек һәм җир салымнарын исәпләү һәм түләү, салым ташламалары һ.б. турындагы сорауларына җавап бирде.