Татарстанда 7,2 мең гектар мәйданда урман культураларын агротехник карау эшләре башкарылган

2020 елның 3 июле, җомга

Татарстан Республикасында урман культураларын агротехник карау эшләре дәвам итә. ТР Урман хуҗалыгы министрлыгы мәгълүматларына караганда, агымдагы елның 3 нче июленә алар 7,2 мең га мәйданда башкарылган.

Республиканың Минзәлә, Кама һәм Саба өйрәнү-сынау урман хуҗалыгы хезмәткәрләре эш күләме буенча алдынгылар рәтендә.

Урман культураларын агротехник карау эшләре – туфракны йомшарту, чүп үләннәрен утау, үсемлекләрне кысалап алу юлы белән үстерелә торган агачлар һәм куаклар үсешенә шартларны яхшыртуга юнәлтелгән чаралар комплексы. Карау ешлыгы җирле шартларны исәпкә алып билгеләнә.