Лубян урман-техника көллиятендә яңа уку елына әзерләнәләр
Лубян урман-техника көллиятендә яңа уку елына әзерләнәләр. Хәзерге вакытта учреждениедә спорт залын, 1 номерлы тулай торакны, китапханәне һәм башка объектларны ремонтлау эшләре тәмамланып килә. «1 номерлы тулай торак 1нче сентябрьгә әзер булачак, егетләр кереп яши алачак, – дип сөйләде көллият директоры Рим Фәхраҗиев. – Шулай ук ТР Урман хуҗалыгы министрлыгы җитәкчелеге катнашында Белем көненә багышланган тантаналы линейкага да әзерлек алып барабыз. Әлбәттә, чара COVID-19 коронавирус йогышы таралуны кисәтү буенча барлык кирәкле чараларны үтәп гамәлгә ашыралачак.
«Көллияттәге уку процессы шулай ук Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең санитар-эпидемиологик кагыйдәләре нигезендә оештырылачак, – дип тә өстәде Рим Фәхраҗиев.– Биналар җентекләп җыештырылачак һәм йогышсызландырып торылачак, тән температурасын үлчәү, кулларны антисептиклар белән эшкәртү, хезмәткәрләр өчен битлекләр булдыру кебек чаралар бу».