Исләйтар урман хуҗалыгы хезмәткәрләре сентябрь аенда урман культураларын тулыландыру эшләрен башкарачак
«Исләйтар урман хуҗалыгы» ДБУ хезмәткәрләре сентябрь аенда 15 га мәйданда урман культураларын тулыландыру эшләрен башкарачак. «Эшләрнең бер өлеше 2 теплицада үстерелгән утырту материалы ярдәмендә башкарылачак, – дип сөйләде урман хуҗалыгы директоры Морат Ибраһимов. – Быел без орлыкларны май башында чәчтек, аннан соң минераль ашлама керттек һәм үсемлекләрне авырулардан саклау буенча чаралар комплексы үткәрдек. Чыршы, нарат һәм карагай үсентеләре теплицаларда калачак, ә каенны инде күчереп утыртырга була».
Биредә урман культураларын тулыландыру эшләренә бу атнада ук тотынырлар дип көтелә.
Шулай ук Республиканың Арча, Әлки, Бөгелмә, Зеленодольск, Кама, Кызыл Йолдыз һәм Мамадыш урман хуҗалыклары хезмәткәрләре дә теплицаларда утырту материалы үстерә.