Тәтеш урманчылыгы хезмәткәрләре мәктәпкәчә белем бирү учреждениеләрендә экологик тәрбия бирү эшен алып бара

2020 елның 18 сентябре, җомга

«Тәтеш урманчылыгы» ДКУ хезмәткәрләре мәктәпкәчә белем бирү учреждениеләрендә экологик тәрбия бирү буенча эш алып бара. Шулай итеп, бүген җитәкче-урманчы Ранил Рәхмәтуллин Тәтеш шәһәренең «Әкият» катнаш төрдәге балалар бакчасындагы өлкән төркемдә тәрбияләнүче нәниләр өчен үткәрелгән «Яшь урманчыларга багышлау» дигән тантаналы чарада катнашты.

Балалар алдында чыгыш ясап, Ранил Рәхмәтуллин кеше тормышында урман роле турында ассызыклады. Ул балаларга урман, аның мөһим экологик, икътисадый һәм социаль функцияләре, шулай ук урманда үз-үзеңне тоту кагыйдәләре турында җентекләп сөйләде.

Чара ахырында балаларны багышлау тантанасы булды – тәрбияләнүчеләр таныклыклар, яшел галстуклар алды һәм әйләнә-тирәлекне сакларга ант иттеләр.