ТР Урманнарны яклау үзәге хезмәткәрләре питомникларда утырту материалының характеристикаларын бәяләү буенча табигый эшләрне тәмамлаган

2020 елның 28 октябре, чәршәмбе

«Рослесозащита» ФБУ филиалы булган Татарстан Республикасы Урманнарны яклау үзәге хезмәткәрләре 2021 елның язында урман торгызганда кулланылачак утырту материалының характеристикаларын бәяләү буенча табигый эшләрне төгәлләгән.

Расланган план-график нигезендә, Кама, Кызыл Йолдыз, Мамадыш урман хуҗалыклары питомникларында һәм ТР Урман селекция-орлыкчылык үзәгендә 44 партия утырту материалы тикшерелгән.

Белгечләр сүзләренә караганда, үсентеләрнең һәм кәлшәләрнең торышы яхшы дип бәяләнә.