«Яшь урманчы» мәктәп урманчылыгында тәрбияләнүчеләр «Яшә, Чыршыкай!» табигать саклау акциясенә кушылган

2020 елның 15 декабре, сишәмбе

Баулы районы Алексеевск төп гомуми белем бирү мәктәбенең «Яшь урманчы» мәктәп урманчылыгында тәрбияләнүче балалар «Яшә, Чыршыкай!» табигать саклау акциясенә кушылган. Шуларның берсе «Креатив чыршы» конкурсы булган. Аның нәтиҗәләре буенча 4 нче сыйныф укучысы Артем Романов һәм 6 нчы сыйныф укучысы Полина Мечетная җиңүчеләр дип табылган.

«Шулай ук чыршыларны кисүдән саклау темасына багышланган рәсемнәр күргәзмәсе һәм макулатура җыю акциясе дә оештырылды, – дип сөйләде «Яшь урманчы» берләшмәсе җитәкчесе, физик культура укытучысы Вера Евстигнеева. – Укучылар көче белән барлыгы 70 кг макулатура җыелды. Киләсе атнада «Урманны саклагыз» дигән темага дәрес үткәрү планлаштырылган».