ИФО буенча Урман хуҗалыгы департаментында урман янгыннарын сүндерү эшчәнлеген координацияләү буенча штаб утырышы узды
Бүген Идел буе федераль округы буенча Урман хуҗалыгы департаментында Идел буе федераль округында урман янгыннарын сүндерү эшчәнлеген координацияләү буенча штаб утырышы булып узды. Утырыш видеоконференция режимында Департамент җитәкчесе Александр Орнатский рәислегендә узды.
Чарада округның урман хуҗалыгы белән идарә итү органнары вәкилләре, шул исәптән Татарстан Республикасыннан – ТР урман хуҗалыгы министры урынбасары Рәис Гомәров һәм Министрлыкның урман фондын саклау һәм яклау секторы мөдире Алексей Мосунов катнашты.
Киңәшмә барышында Александр Орнатский урман янгыннарын сүндерүнең җыелма планнарын эшләү һәм урманнарда янгын куркынычы янаган чорга әзерлек мәсьәләләренә тукталды.
Моннан тыш, чара кысаларында урман комплексын цифрлаштыру, урман корылышы һәм 2020 елда федераль бюджетны үтәү мәсьәләләре дә каралды.