Росконгресс фонды яңа медиа проектларга кушылырга чакыра

2021 елның 8 феврале, дүшәмбе

2021 елда Росконгресс фонды үзенең электрон ресурслары базасында бизнес, сәясәт һәм җәмгыять, фән һәм технологияләр, сәяхәтләр, автомобильләр, мәдәният, спорт, сәламәтлек, гастрономия, балалар контенты юнәлешләре буенча 10 яңа медиактив формалаштыра. Аларның гомуми актив аудиториясе 1 млн. артык кеше тәшкил итәчәк.

Фонд проектлары Россия Федерациясе субъектларының инвестиция, сәнәгать, туризм һәм белем бирү потенциалын алга этәрүгә юнәлдерелгән. Проект авторлары – танылган блогерлар – үз өлкәләрендә фикер лидерлары, алар киң лояль аудиториягә ия.

Росконгресс фондының төп медиапроектлары:

1. «Блогер заводта» – күзәтү экскурсиясе һәм продукциягә тест-драйв форматында популяр блогерлар катнашында Россиянең алдынгы сәнәгый предприятиеләре буенча блог-тур. Проектның беренче өч чыгарылышын YouTube каналында 2 млн. артык кеше караган;
2. «АвтоБлогерШоу» – автомобиль индустриясе дөньясында уникаль вакыйга, ул танылган Россия автомобиль блогерларын, әйдәп баручы экспертларны һәм практикларны, массакүләм мәгълүмат чараларын һәм автомобиль, тизлек һәм адреналин яратучыларның барысын да берләштерә;
3. «Россияне ачабыз» – Россия төбәкләренең туристик мөмкинлекләре турында махсус материаллар сериясе.

Проектларның һәрберсе турында тулырак мәгълүматны фонд менеджеры В.В. Майоровадан алырга мөмкин (тел.: +79213473109, эл. адрес: victoria.mayorova@roscongress.org).