«Экотрадиция» халыкара конкурсында катнашу өчен гаризалар кабул ителә

2021 елның 18 феврале, пәнҗешәмбе

«Экотрадиция» халыкара конкурсында катнашу өчен гаризалар кабул итү дәвам итә. Әлеге конкурс Россиядә дә, якын һәм ерак чит илләрдә дә заманча экологик традицияләрне популярлаштыруга юнәлтелгән.

«Экотрадиция» конкурсы түбәндәге номинацияләр буенча үткәрелә:

- «Иң яхшы экологик традиция» (коммерция компанияләре арасында);

- «Иң яхшы экологик традиция» (халык арасында);

– «Иң яхшы экожурналист»;

– «Иң яхшы экотрадиция скетчы».

Конкурста катнашу өчен гаризаны 2021 елның 21 апреленә кадәр түбәндәге рәсми сайтта тапшырырга мөмкин:  http://www.organicalliance.ru/oproekt.html. Конкурс нәтиҗәләре быелның май аенда билгеле булачак.