27 мартта ел саен уздырыла торган «Җир сәгате-2021» экологик акциясе үткәреләчәк

2021 елның 24 марты, чәршәмбе

27 мартта ел саен уздырыла торган «Җир сәгате-2021» экологик акциясе үткәреләчәк. Бөтендөнья кыргый табигать фонды (WWF) оештырган бу акция планета табигатенә һәм ресурсларына җаваплы караш кирәклегенә игътибарны җәлеп итүгә юнәлтелгән. Чара 20:30 сәгатьтән 21:30 сәгатькә кадәр узачак.

Гадәттәгечә, бу сәгатьтә бөтен дөнья буенча миллионлаган кеше ут һәм көнкүреш электр приборларын сүндереп куячак, бөтен дөньяга танылган дистәләрчә мең бина һәм истәлекле урыннарда утлар сүнәчәк.

Россия Федерациясендә «Җир сәгате» акциясе инде 13 нче тапкыр үткәрелә. 2021 елда кампания кысаларында Россия WWF россиялеләргә әйләнә-тирә мохит торышы турындагы мәгълүматтан файдалана алу мөмкинлеге турындагы мөрәҗәгатьләрне хупларга тәкъдим итә.