Республика районнарында IV Татарстан Республикасы мәктәп урманчылыклары слетында катнашучылар сайлап алынды
Республика районнарында «ТР муниципаль районының иң яхшы мәктәп урманчылыгы» конкурсына йомгак ясалды. Конкурста җиңүчеләр «Лубян урман-техника көллияте» ДБҺБУ базасында 2021 елның июлендә узачак IV Татарстан Республикасы мәктәп урманчылыклары слетында катнашачак.
31 команда иң көчле команда исемен яулау өчен көрәшәчәк, катнашучыларның гомуми саны 93 кеше булачак. Слетка барлыгы 200 кеше җыелыр дип көтелә. Ярышлар барышында конкурсантларга урман һәм анда тереклек итүче җан ияләре турындагы белемнәрен, командада эшләү, урманда дөрес юнәлеш ала белү күнекмәләрен, каршылыкларны җиңеп чыгу, таксацияләү һәм урманнарда янгыннарны сүндерү күнекмәләрен күрсәтергә туры киләчәк. Слет кысаларында шулай ук төрле конференцияләр, мастер-класслар, конкурслар, квестлар һ.б. үткәреләчәк.
Исегезгә төшерәбез, мондый слетлар укучыларны тикшеренү һәм табигать саклау эшчәнлегенә җәлеп итү максатында ТР Урман хуҗалыгы министрлыгы тарафыннан үткәрелә. Быелгы съезд COVID-19 коронавирус йогышын профилактикалау һәм аңа каршы тору буенча барлык чараларны үтәп оештырылачак.