Лубянда плоггинг форматында экологик уен узган
Татарстан Республикасы Кукмара муниципаль районының Лубян авылында плоггинг форматында экологик уен узган. Чара «Татарстанның чиста урманнары» республика табигатьне саклау акциясе кысаларында «Лубян урман-техника көллияте» ДБҺБУ тарафыннан оештырылган.
Уенда көллият студентлары һәм Лубян урта мәктәбе укучылары составындагы 13 команда катнашкан.
Уен нәтиҗәләре буенча 1 тоннадан артык каты көнкүреш калдыклары җыелган. Җиңүчеләр дә билгеләнгән – беренче урынны көллиятнең 12 нче икътисад төркеме командасы яулаган. Икенче урын 22 нче икътисад төркеме командасына бирелгән, өченче урында – 33 нче бакча-парк төркеме.
«Уенда катнашучыларның барысына да ярдәм итүләре өчен зур рәхмәт әйтәсе килә. Без игелекле эш башкардык һәм экологияне яхшыртуга үз өлешебезне керттек. Лубян урман-техника көллияте педагогларына һәм анда укучыларга махсус рәхмәт белдерәм», – дигән Лубян урман-техника көллияте директоры Рим Фәхразыев.