Идел буе урманчылыгы территориясендә 20 куб. метр күләмендә санкцияләнмәгән чүплек бетерелгән

2021 елның 17 июне, пәнҗешәмбе

«Идел буе урманчылыгы» ДКУ һәм «Идел буе урман хуҗалыгы» ДБУ хезмәткәрләре Идел буе урманчылыгының Свияжск кишәрлегендә 34 кварталның 8 бүлемтегендә санкцияләнмәгән чүплекне бетергән. Алар көче белән барлыгы 20 куб.м каты көнкүреш калдыгы чыгарылган.

«Югары Ослан районы башкарма комитеты вәкилләре дә ярдәм күрсәтте. Эшләргә барлыгы 10 кеше һәм 3 берәмлек техника җәлеп ителде», – дип шәрехләде Идел буе урманчылыгы җитәкче-урманчысы Рөстәм Исмәгыйлов.