Татарстанда 12,5 мең гектардан артык мәйданда урман патологиясе буенча тикшерү эшләре башкарылган

2021 елның 25 июне, җомга

Татарстан Республикасында урман утыртмаларын урман патологиясе буенча тикшерү эшләре алып барыла. Мәсәлән, ТР Урман хуҗалыгы министрлыгы белгечләре мәгълүматлары буенча, быелның 25 июненә барлыгы 12,5 мең гектардан артык мәйданда үсентеләр тикшерелгән. Эшләрне «Рослесозащита» ФБУ филиалы – Татарстан Республикасы Урманнарны яклау үзәге һәм республика урман хуҗалыклары белгечләре башкара.

Исегезгә төшерик, урман патологиясе буенча тикшерү урманнарның хәзерге санитар һәм патологик торышын билгеләү һәм санитар-савыктыру чараларын үткәрү өчен кирәкле документлар әзерләү максатларында үткәрелә.