Финляндия Республикасы делегациясе Саба урманчылыгында

Саба урманчылыгы чигендә делегацияне Татарстан Республикасы урман хуҗалыгы министры Наил Мәһдиев каршы алды. Шуннан соң, министрлык эшләре белән идарә итүче Гадел Галиуллин һәм Саба урманчылыгы җитәкчесе-урманчы Васил Гыйззәтуллин  Финляндия Республикасы Авыл һәм урман хуҗалыгы министрлыгы Урман хуҗалыгы департаменты генераль директоры Юха Ояланы Саба урманчылыгы урман хуҗалыгы комплексы объектлары – елына элиталы ябык тамыр системалы 12 миллион үсенте җитештерә торган Татарстан Республикасы Урман селекция-орлыкчылык үзәге, өченче типтагы янгын-химия станциясе белән таныштырды. Юха Ояла әфәнде Россия һәм Татарстанның атказанган урманчысы Нургали Миңнеханов һәйкәленә чәчәк куйды һәм урманчылык дендробакчасында истәлекле туя агачлары аллеясына нигез салды.