ТР Урманнарны яклау үзәге директоры вазыйфаларын башкаручы Венера Ефременкова Казан дәүләт аграр университетының урман хуҗалыгы һәм экология факультетының 4 курс студентлары белән очрашкан
«Рослесозащита» ФБУ филиалы – Татарстан Республикасы Урманнарны яклау үзәге директоры вазыйфаларын башкаручы Венера Ефременкова Казан дәүләт аграр университетының урман хуҗалыгы һәм экология факультетының 4 нче курс студентлары белән очрашкан. Чара «Урманны яклау – безнең эш» мәгълүмат кампаниясе кысаларында оештырылган.
Очрашу барышында Венера Ефременкова студентларга ТР Урманнарны яклау үзәге эшчәнлегенең юнәлешләре, урман патологиясен мониторинглау һәм урманнарны яңадан торгызу мониторингының максатлары һәм бурычлары, филиалның «Экология» илкүләм проектының «Урманнарны саклау» федераль проектын гамәлгә ашыруга керткән өлеше турында сөйләгән.
«Безнең ишекләр һәрвакыт ачык, университетта белем алуны тәмамланганнан соң безгә эшләргә килегез, – дип өстәгән Венера Ефременкова. – Без сезне үзебезнең тату командага кабул итүебезгә шат булачакбыз».