Республиканың Нурлат районында урман янгыннарын сүндерү буенча өйрәнүләр узды
Бүген ТР Нурлат муниципаль районында урман янгыннарын сүндерү буенча өйрәнүләр узды. Чарада «Нурлат урманчылыгы» ДКУ, «Нурлат урман хуҗалыгы» ДБУ, «Татарстан Республикасы буенча янгынга каршы федераль хезмәтнең 2 нче отрядының 73 нче янгын-коткару бүлеге хезмәткәрләре катнашты.
«Сценарий буенча, өйрәнүләр барышында урманда янгын килеп чыккан очракта эш итү тәртибе эшләнде. Риваять буенча, Нурлат урманчылыгының Чулпан кишәрлегендәге 61 кварталда янгын чыга, – дип сөйләде җитәкче-урманчы Рөстәм Галиев. – Урынга дәүләт урман инспекторлары, Нурлат урман хуҗалыгының урман янгыннарын сүндерү буенча II тип станциясе һәм янгын-коткару бүлеге белгечләре килде».
«Тулаем алганда, эшкә җәлеп ителгән барлык көчләр һәм чаралар үзара хезмәттәшлекнең югары дәрәҗәдә булуын күрсәтте», – дип өстәде Рөстәм Галиев.
Өйрәнүләрдә 20 кеше катнашты, 6 берәмлек техника җәлеп ителде.