2022 елда Ары урманчылыгы территориясендә 154 гектар мәйданда санитар-савыктыру чаралары үткәреләчәк

2022 елның 31 мае, сишәмбе

Биектау һәм Әтнә муниципаль районнарында урман утыртмаларының санитар торышын яхшырту буенча эшләр дәвам итә. «Хәзерге вакытта Ары урманчылыгындагы Илләт кишәрлегенең 75 кварталының 35 бүлемтегендә  санитар-савыктыру чаралары уздырыла, 6 кеше эшли, – дип сөйләде «Ары урман хуҗалыгы» ДБУ директоры Морат Ибраһимов. – Кишәрлекнең гомуми мәйданы 5 гектар тәшкил итә, эшләрне бу атнада төгәлләргә планлаштырабыз».

Аның сүзләренә караганда, быел Ары урманчылыгы территориясендә 154 га мәйданда санитар-савыктыру чаралары үткәреләчәк, шул исәптән 10 гаектардан ликвид булмаган агачлар җыеп алыначак.