Волонтер-экологларның «Делай» россиякүләм иҗтимагый оешмасы барлык теләүчеләрне экологик марафонга кушылырга чакыра
Яшьләр өчен экологик марафон дәвам итә, аны оештыручы булып волонтер-экологларның «Делай» россиякүләм иҗтимагый оешмасы тора. Катнашучылар өчен берничә чара әзерләнгән, аларның һәркайсы яшьләрне экологик культура белән таныштырачак.
9 төбәктә яшәүчеләр өчен калдыкларны эшкәртү заводлары үз ишекләрен ачкан. Экскурсиягә Новосибирск, Саратов, Мәскәү, Омск, Кемерово һәм Курск өлкәләрендә, Чувашия, Удмуртия һәм Башкортстан Республикаларында барырга мөмкин.
Шулай ук экомарафон вакытында россиялеләрнең яңа белем алу гына түгел, ә экологик нормативны тапшыру мөмкинлеге дә бар. ЭкоГТО эстафетасы 15 төбәктә уза: 6 мавыктыргыч станция ябык цикл икътисады, калдыкларны аерым җыю һәм урман янгыннарына каршы көрәш турында сөйләячәкләр. Һәр станция биремнәрен үтәп, эстафетада катнашучылар баллар туплыйлар, алар өчен ЭкоГТОны уңышлы тапшыру турында сертификат бирелә. Бөтен эстафета җыйнак экобокста урнаша. Җәй ахырына кадәр ЭкоГТО «Делай»ның бөтен төбәк штатларында барлыкка киләчәк, димәк, экологик нормативны илнең барлык төбәкләрендә диярлек тапшырырга мөмкин булачак.
Моннан тыш, оештыручылар марафон кысаларында экологик дәресләр һәм лекцияләр үткәрергә дә тәкъдим итәләр. Теләгән һәркем экологик белем бирүгә кушыла ала: моның өчен «Делай!» сайтында шәхси кабинетта теркәлү һәм тәкъдим ителгән активлыкларның берсен: экологик дәресләр, эшлекле уеннар һ.б. уздыру да җитә.
Тулырак мәгълүмат белән биредә танышырга мөмкин: https://ecodelai.ru.