ТР Урманнарны яклау үзәге белгечләре «Сосновка» балаларны савыктыру лагере территориясендә урман утыртмаларын урман патологиясе буенча тикшерү эшләрен үткәргән

2022 елның 17 июне, җомга

«Рослесозащита» ФБУ филиалы – Татарстан Республикасы Урманнарны яклау үзәге хезмәткәрләре Бөгелмә урманчылыгы чикләрендә «Сосновка» балаларны савыктыру лагере территориясендә урман утыртмаларын урман патологиясе буенча тикшергән. «Тикшерүнең төп бурычы –  балаларның иминлегенә һәм лагерь мөлкәтенә куркыныч белән янаган барлык агачларны  һәм хәтәрлекләрне үз вакытында ачыклау һәм бетерү», – дип сөйләделәр филиалда.

Эш нәтиҗәләре буенча «авария хәлендәге» 78 агач ачыкланган. Якын арада «Бөгелмә урман хуҗалыгы» ДБУ белгечләре аларны җыештыру буенча чаралар үткәрәчәк.