«Тәтеш урманчылыгы» ДКУ «Эковесна-2022» республика конкурсының район этабында җиңүче булган

2022 елның 24 июне, җомга

ТР муниципаль районнарында «Эковесна-2022» республика конкурсының район этапларында җиңүчеләрне бүләкләгәннәр. «Экопредприятие» номинациясендә җиңүчеләрнең берсе – «Тәтеш урманчылыгы» ДКУ. Бүләкне җитәкче-урманчы Ранил Рәхмәтуллинга Татарстан Республикасы Экология һәм табигать ресурслары министрлыгының Идел аръягы территориаль идарәсенең өлкән белгече Әмир Җәббаров тапшырган.

Исегезгә төшерәбез, «Эковесна» республика конкурсы апрель һәм май айларында санитар-экологик икеайлык кысаларында үткәрелгән иде. Конкурста барлык муниципаль районнардан вәкилләр катнашкан, аның нәтиҗәләре буенча иң яхшы мәктәпләр, балалар бакчалары, гаиләләр, предприятиеләр һәм ишегаллары сайлап алынган.