Лубян урман-техник колледжында яшь урман белгечләренә дипломнар тапшырылды
“Урманчы һөнәре иң югары мактауларга лаек, һәм бәлки игенчедән башка һичбер бүтән һөнәр ул югарылыкка күтәрелә алмас”, – язучы Александр Купринның бу сүзләре Лубян урман-техник колледжын тәмамлаучы яшь белгечләргә дипломнар тапшыру тантанасына да яңгырады.
Колледжда урманны, заманча техниканы белүче, урман байлыкларын файдалану һәм әйләнә-тирәлекне саклау мәсьәләләрен яхшы аңлаучы һөнәр ияләре әзерләү өчен барлык шартлар булдырылган. Булачак коллегалар белән очрашуга Татарстан Урман хуҗалыгы министрлыгы оешмаларының урманчы-җитәкчеләре дә килгән иде. Мәсәлән, Алабуга урманчылыгы җитәкчесе А.Усманов һәм Минзәлә урманчылыгы җитәкчесе М.Минһаҗев яшь белгечләрне конкрет вакантлы урыннарга – участок урманчылары һәм урман мастерлар булырга чакырдылар.