Татарстанда 9,8 мең гектар мәйданда урман культураларын агротехник карау эшләре башкарылган

2022 елның 11 августы, пәнҗешәмбе

Татарстан Республикасында урман культураларын агротехник карау эшләре дәвам итә. ТР Урман хуҗалыгы министрлыгы белгечләре мәгълүматларына караганда, агымдагы елның 11 августына алар 9,8 мең га мәйданда башкарылган (планның 73%ы).

Мондый эшләрне Саба һәм Баулы өйрәнү-сынау урман хуҗалыклары белгечләре төгәлләгән.

«Урман культураларын карау – урман торгызу эшләре комплексының мөһим өлеше, – ди Министрлыкның урманнарны торгызу һәм үрчетү бүлегенең әйдәп баручы киңәшчесе Алсу Мостафина. – Эшләр календарь планны уздырып бара. Алар бу елның 1 сентябренә кадәр тәмамланыр дип көтелә».