Лубян урман-техник көллиятендә волейбол ярышлары узган
Лубян урман-техник көллиятендә «Беренче курс студенты атналыгы» кысаларында волейбол буенча ярышлар узган. Ярышларда уку төркемнәреннән 4 команда катнашкан.
Ярышлар нәтиҗәләре буенча беренче урынны 12 нче урман хуҗалыгы төркеме командасы алган. Икенче урында – 11 нче урман хуҗалыгы төркеме, өченчедә – 12 нче икътисадый төркем командалары.
«Лубян урман-техник көллиятендә узган «Беренче курс студенты атналыгы» укучыларны уңышлы адаптацияләүгә юнәлдерелгән, ул яңа килгән студентларга көллиятнең иҗтимагый тормышы белән танышырга ярдәм итә. Бу атнада беренче курс студентлары үзләренең иң яхшы сыйфатларын, сәләтләрен күрсәтә һәм үз белгечлекләрен лаеклы тәкъдим итә ала. «Атналык»ның һәр көне сәгатьләр буенча билгеләнгән, беренче курс студентлары өчен иҗади, интеллектуаль, спорт һәм башкалар – төрле сынаулар тәкъдим ителә.