«Нургали оныклары» мәктәп урманчылыгында 2022-2023 уку елына эш планы турында фикер алышканнар

2022 елның 13 сентябре, сишәмбе

Саба муниципаль районы Лесхоз урта мәктәбендә «Нургали оныклары» мәктәп урманчылыгы әгъзалары җыелышы булып узган. Аның кысаларында эш йомгаклары ясалган һәм 2022-2023 уку елына чаралар планы тикшерелгән.

Сентябрь-октябрь айларында укучылар «Макулатура тапшыр – агачны коткар», «Татарстанның чиста урманнары», «Урманны саклыйк» акцияләрендә, «Җиңү Урманы» экологик-патриотик проектында һәм «Татарстан Республикасында урманнарны саклау» республика фотоконкурсында катнашырлар дип көтелә. Шулай ук тематик экскурсияләр, урманга сәяхәтләр һәм йөрешләр, экологик темага лекцияләр һәм түгәрәк өстәлләр планлаштырылган.