Аксубай бистәсендә «Уяну» VII экологик фестивале үткәрелгән
Аксубай бистәсендә ТАССРның беренче урман хуҗалыгы министры Александр Гуляев истәлегенә багышланган «Уяну» VII экологик фестивале үткәрелгән.
Форумда катнашучыларны Аксубай муниципаль районы башлыгы Камил Гыйльманов, «Аксубай урманчылыгы» ДКУ җитәкче-урманчысы Андрей Ильмухин, ТР Экология һәм табигать ресурслары министрлыгы белгече Рафис Әхмәтҗанов һәм башкалар сәламләгән.
Бәйрәмне районның иҗат коллективлары катнашында бай концерт-күңел ачу программасы алып барган. Шулай ук «Мәктәп укучысының иң яхшы мәдәни көндәлеге» конкурсында җиңүчеләрне дә бүләкләгәннәр.
Моннан тыш, фестиваль кысаларында төрле экологик мастер-класслар, интеллектуаль уеннар, «Тылсым иясе – Су», «Берендей патшалыгы», «Бакча әлифбасы», «Йорт хайваннары», «Осталар шәһәре» һ.б. тематик мәйданчыклар оештырылган.