Чирмешән урманчылыгы территориясендә 2023 елда урман культуралары өчен туфрак әзерләү эшләре алып барыла

2022 елның 23 сентябре, җомга

Чирмешән урманчылыгы территориясендә 2023 елда урман культуралары өчен туфрак әзерләү эшләре алып барыла. «Дәүләт йөкләмәсе буенча барлыгы 32 гектар мәйданда участоклар әзерләргә кирәк, – дип сөйләде «Чирмешән урман хуҗалыгы» ДБУ директоры Николай Кваков. – Хәзерге вакытта Казансу һәм Светлогорск урманчылыклары территориясендә эшләр бара, 2 берәмлек техника эшли».

«Болар белән беррәттән, урман культураларын тулыландыру эшләренә дә әзерләнәбез. Бу елга план – 24 гектар», – дип өстәде Николай Кваков.