Кәләй урманчылыгы җитәкчесе Дамир Миндрахманов Кәләй урта мәктәбенең 4 нче сыйныф укучылары белән очрашкан
Кичә, 19 октябрьдә, «Кәләй урманчылыгы» ДКУ җитәкче-урманчысы Дамир Миндрахманов Әлмәт районының Урман-Кәләй урта мәктәбендә булган. Анда ул 4 нче сыйныф укучылары белән очрашкан һәм «Без үз эшләребез өчен җаваплы» дигән темага сыйныфтан тыш чарада катнашкан.
Әңгәмә барышында укучылар «гамәл», «бозыклык», «җаваплылык» төшенчәләре, рухи кыйммәтләр, тормыш ориентирлары һәм башкалар турында белгәннәр.
Дамир Миндрахманов балаларга табигатьне саклау, урманнарда янгын һәм санитар куркынычсызлык кагыйдәләре турында сөйләгән. «Һәркем табигатьне һәм әйләнә-тирә мохитне сакларга, табигый байлыкларга сакчыл карарга тиеш, – дип билгеләгән ул. – Уйлап эш итмәү көтелмәгән нәтиҗәләргә китерергә мөмкин. Урманда калган кечкенә пыяла да урманда зур янгын китереп чыгарырга мөмкин бит.»