«ШкоЛес» мәктәп урманчылыгында тәрбияләнүче балалар «Ашый торган җимлек» дигән экологик акция үткәргән

2022 елның 25 ноябре, җомга

Чаллының 10 нчы мәктәпнең «ШкоЛес» урманчылыгында тәрбияләнүчеләр «Ашый торган җимлек» дигән экологик акция үткәргән. Балалар үз куллары белән эко-җимлекләр (көнбагыш, бодай, карабодай, миләш, алма орлыкларыннан) ясаганнар һәм аларны белем йорты территориясендә элеп чыкканнар.

«Мондый эко-җимлекләрнең берничә өстенлеге бар, – дип сөйләде «ШкоЛес»  берләшмәсендә катнашучы Чулпан Низамова. – Алар тулысынча ашарга яраклы, экологик яктан чиста һәм кошларны куркытмыйлар. Әгәр дә мондый җимлек җил аркасында өзелеп төшсә дә, кошлар аны барыбер ашаячак. Без кыш дәвамында кошларны шулай ашатырга уйлыйбыз.»