Балалар һәм яшьләр өчен «Дом на дереве» яңа интерактив белем бирү ресурсы эшли башлады
Балалар һәм яшьләр өчен «Дом на дереве» яңа интерактив белем бирү ресурсы эшли башлады – http://домнадереве.рф. Ул махсус сакланыла торган территорияләр турында уңайлы тел белән сөйләү, тыюлык дөньясын ачу, тыюлык эшенең имиджын арттыру һәм укучыларга табигатьне саклау өлкәсендә булачак һөнәрләрен ачыкларга ярдәм итү өчен эшләнгән.
Курс яшүсмер Женька маҗаралары турында комикслардан тора, ул дөньяны үзгәртү һәм үз һөнәрен табу өчен «Дом на дереве» милли паркына волонтер булып эшкә урнашырга карар итә. Маҗаралар нигезендә МСТТ эшчәнлегенең үзенчәлекләре, шулай ук тыюлык өлкәсендә карьера треклары белән таныштыручы реаль кейслар хәл ителә.
«Дом на дереве» – гамәли биремнәр һәм теоретик дәресләр белән тулы курс. Укучылар ресурс материалын мөстәкыйль өйрәнә ала, ә МСТТ һәм мәгариф учреждениеләре әзер модульләрне үзләренең экологик-агарту программаларына интеграцияли ала.