Министрның беренче урынбасары Илгизәр Зарипов Базарлы Матакта «Цифр дәресе» үткәрде
Бүген ТР урман хуҗалыгы министрының беренче урынбасары Илгизәр Зарипов Әлки муниципаль районында эшлекле сәфәр белән булды. Анда ул Базарлы Матак авылындагы «Балалар иҗаты йорты»нда 8-11 нче сыйныф укучылары өчен «Тормыш өчен болыт сервислары» темасына «Цифр дәресе» үткәрде.
Илгизәр Зарипов укучыларга болыт технологияләре, аларның төрләре, өстенлекләре һәм җитешсезлекләре турында сөйләде.
«Болыт технологияләре – кулланучыларга Интернетта компьютер ресурсларыннан файдалану мөмкинлеген бирә торган технологияләр. Аларның өстенлекләре – чыгымнарны киметү, куркынычсызлык, зурайту мөмкинлеге, мобильлек һәм контроль, – дип билгеләп үтте министрның беренче урынбасары. – Болыт технологияләре мәгариф, медицина, сәнәгать эшчәнлеге, бизнес, логистика, сәүдә һәм башка өлкәләрдә киң кулланыла.»
Исегезгә төшерәбез, «Цифр дәресләре» Татарстан Республикасында Цифрлаштыру елы кысаларында үткәрелде. Проектның төп максаты – мәктәп укучыларында цифрлы икътисадның төп компетенцияләрен формалаштыру, шулай ук мәгълүмат технологияләре өлкәсендә балаларның башлангыч һөнәри юнәлешенә этәргеч ясау.