Татарстанда «карны каралту» эшләре алып барыла
Хәзерге вакытта Татарстан Республикасы урман питомникларында кар катламын тизрәк эретеп бетерү һәм туфрактагы дымны саклау максатыннан чәчү бүлекчәләренә көл сибеп, «карны каралту» буенча эшләр алып барыла. Чаралар «Экология» илкүләм проектының «Урманнарны саклау» федераль проектының «Татарстан Республикасында урманнарны саклау» төбәк проектында каралган.
Әйтик, Чирмешән урман хуҗалыгы хезмәткәрләре Казан һәм Светлогорск кишәрлеге урманчылыкларындагы питомниклар территориясендә шундый эшләр башкарган. Барлыгы 1,2 гектар мәйданга 370 кг көл кертелгән, эшләргә 5 кеше җәлеп ителгән.
Минзәлә урман хуҗалыгы белгечләре Минзәлә, Юртау һәм Усы кишәрлеге урманчылыкларында питомниклар территориясендә эшләр башкарганнар. Алар 1 гектар мәйданга 350 кг көл керткәннәр.
Шунысын да билгеләп үтәргә кирәк, бу процедура шулай ук утырту материалын төрле авырулар белән зарарлау куркынычын киметә, шулай ук язгы кояш нурларыннан көю куркынычын киметә: «карны каралту» кояш яктылыгының чагылышын киметергә ярдәм итә.