ТР Әлки муниципаль районында яңа мәктәп урманчылыгы барлыкка килде

2023 елның 19 апреле, чәршәмбе

ТР Әлки муниципаль районында яңа мәктәп урманчылыгы барлыкка килде. Берләшмә «Иске Такталы урта гомуми белем бирү мәктәбе» МБМУ базасында оештырылган.

Мәктәп урманчылыгында катнашучыларны «Болгар урманчылыгы» ТР ДКУ урманны саклау һәм яклау буенча инженеры Мәдинә Мулинова сәламләгән. «Урманнар – безнең иң зур табигый байлыгыбыз. Безнең нинди һава сулавыбыз аларның күләменә һәм торышына бәйле, – дип билгеләп үткән ул. – Без сезнең белән төрле мастер-классларда һәм конкурсларда катнашачакбыз. Апрель азагында сезне «Хәтер бакчасы» халыкара акциясенә кушылырга чакырабыз».

Мәктәп урманчылыгы составына 10 кеше кергән. Берләшмәнең җитәкчесе биология укытучысы Вера Старшова булачак.